BilimLand және Lenovo «Солнышко» балалар үйіне тарту жасады

22 Жел 2017
Блог
BilimLand және Lenovo «Солнышко» балалар үйіне тарту жасады
2092

Бүгінгі күнде цифрлық технологиялар мен әртүрлі интернет-ресурстардың қарыштап дамуы көптеген мүмкіндіктерге жол ашты. Ең маңыздысы – білім алушылардың үйлерінен шықпай-ақ білім ала алатындығы.

Жыл сайын осындай білім беруші цифрлық материалдардың көптеп пайда болуы білім беру сапасын көтеріп қана қоймай, сондай-ақ білім алушылардың оқуға деген ынтасын арттырып жатыр. Алайда, білім алушылардың барлығында жылдам интернетке қосылу мүмкіндігі жоқ, ал интернет – цифрлық материалдарды игерудегі басты құрал.

Осындай қиыншылықтармен таныс Bilimland ұжымы әріптес Lenovo компаниясымен бірге «Солнышко» балалар үйінде өткен мерекелік шараға қатысты. Тәуелсіздік күні мерекесі құрметіне орай ұйымдастырылған мерекелік шарада балалар үйінің тәрбиеленушілері өз өнерлерін ортаға салды. Біздің ұжым тобы аталған ұйымның әр қызметкерімен жеке танысып, балалар тәрбиесімен нағыз мамандар айналысып жатқанына көз жеткізді.

Мерекелік концерттік бағдарлама аяқталғаннан кейін біздің ұжым әріптестермен бірлесе отырып балалар үйі тәрбиеленушілеріне тосынсый жасады. Тәуелсіздік күніне және келе жатқан жаңа жыл мерекесіне тарту ретінде 5 планшет-компьютер BilimBook сыйға тартылды. Бұл құрылғыда баланың білім мен қиялын шыңдайтын BilimLand цифрлық оқыту ресурстары толық орнатылған. Ең маңыздысы, құрылғыдағы цифрлық ресурстарды офлайн режимде, яғни интернетсіз пайдалануға болады.

Балалар мен тәрбиешілер күтпеген тосынсыйға ерекше қуанды. Ал еліміздің болашағы – балалардың қуанышы бізді де марқайтты. «Жақсылықпен бөліссең, көбейеді» - дейді дана халқымыз, сыйға тартылған планшет-компьютерлердің игілікті істерге бастау болатынына сеніміміз мол. Bilimland.kz ұжымы игі істер тізбегін мұнымен тоқтатпайды, сапалы білім беру үшін ізденіс жұмыстарын жалғастыра бермек.

13Пікірлер

Пікір қалдыру үшін авторизация жасаңыз
Данара Алдабергенова
Данара Алдабергенова
13 наурыз 2018 ж. 12:04
Тамаша, өте жақсы балалар!
Маржан Борибаева
Маржан Борибаева
2 наурыз 2018 ж. 12:56
Керемет!!
Айгерім Жұмәділ
Айгерім Жұмәділ
28 ақпан 2018 ж. 14:07
Тамаша!
Атанбаева Гулим
Атанбаева Гулим
27 ақпан 2018 ж. 14:03
Тамаша.
Айгерім Жұмәділ
Айгерім Жұмәділ
24 ақпан 2018 ж. 10:08
Керемет!
Анвар Худайбергенов
Анвар Худайбергенов
20 ақпан 2018 ж. 19:06
Күшті екен.
Кулпаш Мұхамедқали
Кулпаш Мұхамедқали
12 ақпан 2018 ж. 15:39
Жетімдерге жақсылық жасаған игі іс. Еңбектеріңізге жеміс тілеймін.
Бакыт Искакова
Бакыт Искакова
2 ақпан 2018 ж. 18:49
Өте жақсы.
Роза Мамырова
Роза Мамырова
30 қаңтар 2018 ж. 12:12
Игі іс жасаған екенсіздер, жарайсыздар, еңбектеріңіз жана берсін!!!
Кунсулу Муналбаева
Кунсулу Муналбаева
28 қаңтар 2018 ж. 0:15
Жақсы