Жұбан Молдағалиев. «Қыран дала» поэмасы. Бесінші бөлім

  • 1.493-5
Жұбан Молдағалиев – тіршіліктің таусылмас жырын, өмірдің алма-кезек арпалысы мен зандылықтарын, қазақ даласының байлығы мен сұлулығын өлеңіне арқау еткен ойлы акын. Оның шығармашылығында тарихи тақырып айрықша орын алады. Өршіл ақынның қайталанбас тарихы бар қазақ даласына арнаған өнегелі жырлары аз емес. Соның бірі – туған жердің қадір-қасиетін танытқан «Қыран дала» поэмасы. Ата-бабамыздан аманат боп қалған байтақ жеріміз бен теңдессіз тарихымыз ақын қаламына қуат бітіріп, жүрегінен жыр болып төгіледі. Автор туған жеріміздің тағдырлы тарихына шолу жасай отырып, оқырман көкейіне отаншылдықтың дәнін себеді. Шығармада өткеніміз туралы түйінді сөздер болашақ туралы толғаныстарға ұласады. Жүректі шымырлатар ойлар мен толғамдар да дәл осы тұста туындайды. Жұбан Молдағалиевтің «Қыран дала» поэмасы өз заманында тарихи міндет атқарып, оқырманына елдік рухын сіңірді. Бүгінгі күні де бұл шығарма құндылығын жоғалтқан жоқ. Керісінше, уақыт өткен сайын, оның ұрпақ алдындағы тағылымы арта түсуде.
2517
309
Қате туралы хабарландыру