Шандор Петефи. Ұлт өлеңі

  • 1.161
Венгр ақыны Петефи Шандор шын аты Александр Петрович, 1823 жылдың 1 қаңтарында дүниеге келген. 1848 — 1849 жылдардағы Венгрия төңкерісінің белсенді қайраткерлерінің бірі. Ол 26 жас ғұмырында 85 дастан, 3 әңгіме, 2 драма, 1 роман жазған. Бұған қоса саяси-әлеуметтік мәселелерге арналған өткір мақалалары, хаттары, күнделіктері, аудармалары сақталған. Петефи шығармаларының арқауы бостандық пен махаббат, елдік пен ерлікті дәріптеу, озбырлыққа, қиянатқа қарсылық, адамдық пен адалдықты паш ету болды. Петёфи төңкеріс рухты романтизмнің ірі өкілі ретінде бағаланады. Ақынның «Ұлт өлеңі» - 1848 — 1849 жылдардағы Венгрия төңкерісінің кезінде туған. Мұнда ұлт пен тәуелсіздік мәселесі сөз болады. Бостандық үшін қарулы күреске үндеген осы өлеңі жалынды жорық жырына айналды. «Ұлт өлеңі» шығармасында Петефи халқын тәуелсіз венгр мемлекетін құруға шақырды. Аттан мадьяр! Шақырады өз Отаның! Жетті енді қапысыз таңдар шағың. Құлдыққа солай көніп кетесің бе, Әйтпесе еркіндікке жетесің бе? - деп ақын өз халқын азаттыққа, өз тәуелсіздігі үшін күресуге үндейді. Сонымен қатар азаттықты аңсаған ата-бабаларының алдында жауапкер екенін айтып тебіренеді. Өз отанын елін өзгелерден кем санайтын адамдарды зұлым, пасық, тантық деп ашық сынайды. Осы азаттық үшін күресіміз ел есінде мәңгіге ұмытылмайды деген қорытындыға келеді.
3532
331
Қате туралы хабарландыру