№67 жалпы білім беретін мектеп

№67 жалпы білім беретін мектеп Алматы қаласының Алмалы ауданында орналасқан. 1965 жылдың қыркүйек айынан Ю.Гагарин атындағы орыс мектеп болып ашылды. 1990 жылы күрделі жөндеуден кейін қазақ және орыс тілдеріне оқытылатын (аралас) мектебі болды. 2012 жылы күрделі жөндеуден кейін мемлекеттік тілде оқытатын мектеп болып құрылды. Мектеп 350 оқушыға арналған. Оқыту тілі – қазақша, құрылтайшысы Алматы қаласы Білім басқармасы. Мектепте 2011-2012 оқу жылында – 318 оқушы, 45 мұғалім, 2012-2013 оқу жылында – 251 оқушы, 37 мұғалім. 2013-2014 оқу жылында 18 сынып комплектісі және 1 шағын орталық тобы бар, 40 педагог қызмет етеді, 297 оқушы оқиды. Оның 139- бастауыш, 125- негізгі орта мектеп, 33- орта мектеп. Сыныптар толықтылығы- 16,3. Өткен оқу жылымен салыстырғанда оқушылар саны 46 оқушыға артты. Сабақтардың ұзақтығы 45 минут, І – ауысымдағы сабақ сағат 08.00 де, ІІ ауысымдағы сабақ сағат 13.30 да, ал 1- сыныптар «сатылы» режимде, І оқу тоқсанында ұзақтығы 35 минуттан, ІІ жарты жылдықтан 45 минуттан оқиды. Мектептің бағыты 10-11 сыныптарда қоғамдық-гуманитарлық бағыт. Бейін –филология, тарих.