Италия мен Германияның бірігу жолдары қаншалықты бір-біріне ұқсас болмады?
Италия мен Германияның бірігу жолдары қаншалықты бір-біріне ұқсас болмады?
| Оқу мақсаттары (оқу бағдарламасына сілтемеу): | 7.3.1.4 - әр түрлі елдердің бір уақыт кезеңіндегі тарихи оқиғаларын салыстыру арқылы ұлттық мемлекеттердің (Германия, Италия) қалыптасу маңызын анықтау; 7.3.2.5 - тарихи оқиғаларды түсіндіру үшін «либерализм»,«консерватизм», «социализм», «марксизм», «ұлтшылдық» ұғымдарын қолдану. |
| Сабақтың мақсаты: | Барлық оқушылар: Италия мен Германияның бір уақыт кезеңіндегі тарихи оқиғаларын салыстыру арқылы ұлттық мемлекеттің құрылу маңызын анықтайды; тарихи оқиғаларды түсіндіру үшін «либерализм»,«консерватизм», «социализм», «марксизм», «ұлтшылдық» ұғымдарын қолданады. Оқушылардың басым бөлігі: тарихи оқиғаларын салыстыру арқылы ұлттық мемлекеттердің маңызын анықтауда мемлекеттердің экономикалық-саяси дамуына әсер еткен тарихи тұлғалардың рөлін сипаттайды; тарихи оқиғаларды түсіндіру үшін «либерализм»,«консерватизм», «социализм», «марксизм», «ұлтшылдық» ұғымдарының мәнін ашады. Кейбір оқушылар: Италия мен Германияның қалыптасуына әсер еткен тарихи тұлғалардың рөлін бағалайды; 1848-1849 жылдардағы революциялардың ұқсастығы мен ерекшеліктерін түсіндіру үшін «либерализм», «консерватизм», «социализм», «марксизм», «ұлтшылдық» ұғымдарын жіктейді. |
| Тілдік мақсаттар: | Оқушылар: Италия мен Германияның бірігу жолдары қаншалықты бір-біріне ұқсастығын талқылайды. Италия мен Германия мемлекеттерінің бірігу себептері мен салдарын зерделейді /оқылым/. 1848-1849 жылдардағы революцияның мақсаттары мен қорытындыларын талдайды /айтылым/. Ұлттық мемлекеттердің экономикалық-саяси дамуына әсер еткен тарихи тұлғалар жайлы ой тұжырымдайды /тыңдалым/. Сабақ барысында жаңа сөздердің түсіндермесін дәптерге жазу жұмыстарын жүргізеді /жазылым/. Лексика мен терминология: саяси бытыраңқылық, революциялық жағдай, Неміс кедендік одағы, гроссбауэрлер, ұлттық қанау, бірігу Сыныптағы диалог/жазылым үшін пайдалы тілдік бірліктер: Талқылауға арналған тармақтар: Германия мен Италияда ұлттық мемлекет қалыптасты, өйткені ....... Сіз неліктен екенін айта аласызба? Неліктен О.Бисмарктың саясаты туралы әртүрлі деректер беріледі? Жазылым бойынша ұсыныстар: Италия мен Германия революцияларына .................. себеп болды. |
| Бағалау критерийлері: | - Италия мен Германияның бір уақыт кезеңіндегі тарихи оқиғаларын салыстыру арқылы ұлттық мемлекеттің құрылу маңызын анықтайды; - Италия мен Германиядағы тарихи оқиғаның нәтижелерін түсіндіру үшін «либерализм», «консерватизм», «социализм», «марксизм», «ұлтшылдық» ұғымдарын қолданады |
| Құндылықтарды дарыту: | Италия мен Германия мемлекеттерінің бірігуін талқылай отырып, «Мәңгілік Ел» жалпыұлттық идеясының «Тарихтың, мәдениет пен тілдің біртұтастығы» құндылығына баулу.Азаматтық жауапкершілік, өзге елдің тарихына құрметпен қарауға тәрбиелеу |
| Пәнаралық байланыс: | География, Қазақстан тарихы |
| Бастапқы білім: | 1848 жылғы революциялар Еуропада қандай саяси идеяларды қалыптастырды? тақырыбындағы сабақта «7.3.2.5; 7.3.1.3» оқу мақсаты мен жұмыс жасаған, сол білімдерін Италия мен Германияны оқығанда 7.3.1.4 - әр түрлі елдердің бір уақыт кезеңіндегі тарихи оқиғаларын салыстыру арқылы ұлттық мемлекеттердің (Германия, Италия) қалыптасу маңызын анықтау; 7.3.2.5 - тарихи оқиғаларды түсіндіру үшін «либерализм», «консерватизм», «социализм», «марксизм», «ұлтшылдық» ұғымдарын қолдану - оқу мақсатымен жұмыста қолданады |
Сабақ барысы
| Сабақ кезеңдері | Жоспарланған іс-әрекет | Ресурстар |
|---|---|---|
Сабақтың басы (0-5 минут) | Ұйымдастыру шаралары: Амандасу,сабақта жоқ оқушыларды белгілеу. ( Егер сабақ кестесі бойынша кейінгі сабақ болса сергіту сәтін өткізу.Мысалы «От шашу»); Топтарға бөлу: Мемлекеттердің аттары жазылған стикерлер арқылы («Италия»,«Германия»,«Франция») 3 топқа бөлу. Тапсырма 1. (БЫМ) Оқушылардың сабақ тақырыбына қызығушылығын ояту мақсатына және олардың алдыңғы білімдерін анықтауға арналған ширату жаттығулары: - Революциялық идеялардың барысында XIX ғасырдағы Еуропада қандай өзгерістер орын алды? -Италия мен Германия мемлекеттерінің карталарын көрсетіп, оқушыларға бұл мемлекеттерде не болып жатқаны туралы болжау жасату, сұрақтар қою арқылы диалогке тарту: - Картада қандай мемлекеттер бейнеленген? - XIX ғасырда бұл мемлекеттерде қандай өзгерістер болуы мүмкін? - Сонымен, біздің бүгінгі сабағымыздың тақырыбы не туралы деп ойлайсыздар? Сіздердің болжауларыңыз тура келді ме? Сабақтың тақырыбын, мақсаттары мен бағалау критерийлерін анықтау. | Топтардың аттары жазылған стикерлер «XIX ғасырдағы Батыс европа елдері» картасы:http:// www.wordld ofcoins.ru/countri Сұрақтар |
Сабақтың ортасы (5-30 минут) | Тапсырма 2. М. XIX ғасырдың соңы - XX ғасырдың басындағы Еуропа мемлекеттерінің саяси және экономикалық дамуы жайында ақпарат беру. Ж. «Атаулар туралы үш сұрақ» тәсілі. Тақтаға тақырып бойынша 3 негізгі терминдерді (консерватизм, либерализм, социализм) жазып , оқушыларға осы атауларға байланысты келесі сұрақтарды қою : 1) Қайда? Бұл терминдерді сіздер бұрын қайда және қандай мағынада кездестірдіңіздер? 2) Қалай? Өз тәжірибеңізден осы атауларды қалай қолдана- тыныңызға мысал келтіре аласыз ба? 3) Қандай? Осы сабақта бұл атаулар қандай байланыста болады деп ойлайсыз? Тапсырма-3. /т/Мәтінді оқып шығып, екі мемлекеттің бірігу себептерін анықтап, Венн диаграммасына толтырыңыз. 2 айырмашылығын және 1 ұқсастығын анықтаңыз. Дескриптор: -Германия революциясының әлеуметтік –экономикалық себебінің бірінші ерекшелігін анықтайды; -Германия революциясының әлеуметтік –экономикалық себебінің екінші ерекшелігін анықтайды; -революциялардың саяси және әлеуметтік-экономикалық жағынан ұқсастығын анықтайды. Топтар өздерінің зерттеу нәтижелерімен таныстырады КБ. Екі жұлдыз бір тілек. Ж.«Стикердегі диалог» әдісі. Қабырғаға қиындық деңгейіне байланысты сұрақтар жазылған бірнеше түрлі-түсті қағаздар ілінеді.Топтар стикердегі тарихи тұлғалар жайлы сұрақтарға жауап береді,өз ойларын жазады, пікірлерін қорғайды. Тапсырма-4 /т/. Берілген сұрақтар бойынша тұлғаға сипаттама беріңіздер. Жасыл түс: Неліктен Джузеппе Гарибальдиді итальяндық ұлттық идеяның символы деп атады? Сары түс: Камилло Бенсо Кавурдың біртұтас ұлттық мемлекет құру жөніндегі саясатының мәні қандай? Қызыл түс: Отто Бисмарктың «Қан мен тер» саясатының қандай ұтымды және ұтымсыз жақтары болды? Дескрипторлар: - Д.Гарибальдидің тарихи тұлғасына баға береді. - К.Кавур саясатының мәнін сипаттайды. - О.Бисмарктың «Қан мен тер» саясатын талдайды КБ. «Қосу,алу,керемет» арқылы бағалау. | Презентация постер, маркер, стикер. Оқулық:Алдабек Н. Дүниежүзі тарихы (1640-1900).8-сынып Алматы: Мектеп, 2018.-208 б. Оқулық,кесте, ҚБ парағы, Дескриптор |
Сабақтың соңы (3 минут) | Тапсырма-5. Сабақты қорытындылауға «Серпілген сауал» әдісін қолдану. Оқушылардың тақырыпты талқылау сауалдарын ұйымдастыру: -Сіздің ойыңызша, «Жас Италия» ұйымы елді азат ету мен біріктірудің негізгі күші бола алды ма ? -Еуропадағы революциялық көтерілістердің тарихи маңызы бола тұра, не себепті сол елдердің алдында тұрған объективті міндеттерін толықтай шеше алмады? Өз ойыңды дәлелде. -Неліктен 1861 жылы Гарибальди Италияның оңтүстігіндегі билікті Виктор II-Эммануил корольге тапсыруды шешті деп ойлайсың? -Сыртқы саясатта милитаризм түрінде көрініс тапқан О.Бисмарктың «Қан мен темірдің саясаты» болмағанда, Германия күшті капиталистік державаға айналар ма еді ? Дескриптор: Еуропадағы революциялық көтерілістердің тарихи маңызын көрсетеді; 1861 жылы Гарибальди Италияның оңтүстігіндегі билікке қатысты мақсатын айтады; О.Бисмарктың сыртқы саясаттағы бағытын сипаттайды | Оқулық,суреттер |
Рефлексия (2 минут) | Рефлексия. «3 минуттық үзіліс» .Әр оқушы өзін-өзі формативті бағалайды. Төмендегідей фразалар ұсынылады: -Мен... туралы хабардар болдым -Менің...жайлы айқын түсінік қалыптасқан тұсы... -Мені...таң қалдырғаны Мұғалімнің кері байланысы. Үйге тапсырма: Тақырыптан ең негізгі деген 5 оқиға жаз. | Оқулық, 126-130 бб |
Пікірлер(0)