Оқу-ағарту министрлігі Мектепке дейінгі балаларды дамыту институты Астана қаласының білім басқармасымен бірге Қазақстан Республикасының мемлекеттік рәміздер күніне орай «Рәміздерім мақтанышым, айбыным» тақырыбында челлендж ұйымдастырды. Оған 300 мыңнан астам мектеп жасына дейінгі балалар мен педагогтер қатысты.
Бұл шараның мақсаты - балаларды Отанға деген сүйіспеншілікке және мемлекеттік рәміздерді құрметтеуге тәрбиелеу.
««Рәміздерім - мақтанышым, айбыным!» челленджі - бұл еліміздің мемлекеттік рәміздеріне құрметті көрсетуге, жас ұрпақтың патриоттық сезімін нығайтуға мақтанышын тудыруға бағытталған іс-шара. Бұл бастама балаларды мемлекеттік рәміздерді, ұлттық мәдениеті мен тарихын бағалауға үйретеді», - деп атап өтті Балаларды ерте дамыту институтының директоры Гүлшат Оңланбекқызы.
Айта кетейік, бұл челленджге елдегі 5000-ға жуық мектепке дейінгі білім беру ұйымдары қатысты.