Байқау туралы ереже
«BilimCenter белсенді білім алушысы» республикалық байқауы
Байқау мерзімі: 02.12.2021 – 25.02.2022
Бас жүлде: Apple iPhone 11 смартфоны
1. Байқаудың жалпы ережелері:
1.1 Атауы – «BilimCenter белсенді білім алушысы» республикалық әлеуметтік-білім беру байқауы (бұдан әрі – Байқау);
1.2 Байқау Қазақстан Республикасының барлық аумағында өткізіледі.
2. Байқаудың мақсаты:
2.1 Білім алушылардың функционалды сауаттылығын арттыру;
2.2 BilimCenter цифрлық білім беру порталында педагогтер мен білім алушылардың жұмыс белсенділігін арттыру.
3. Байқауға қатысушылар:
3.1 Байқауға https://bilimcenter.kz/ платформасында тіркелген және оны пайдаланатын Қазақстан Республикасы білім беру ұйымдарының білім алушылары қатыса алады;
3.2 Байқауға қатысу ТЕГІН;
3.3 Ұйымдастырушылармен ортақ үлесі бар тұлғалар Байқауға қатыса алмайды.
4. Байқауды өткізу форматы мен тәртібі:
"BilimCenter белсенді білім алушысы” номинациясы бойынша іріктеу критерийлері:
4.1 онлайн-тестілеуге қатысу;
4.2 білім алушылардың тест нәтижесі (үш бағыт бойынша максималды балл көрсеткіші).
*Бірнеше қатысушы бірдей балл жинаған жағдайда, тест тапсыруға жұмсаған уақыты есепке алынады.
5. Байқау шарттары:
- функционалдық сауаттылық бағыттары бойынша курстардан өту;
- онлайн тест тапсыру.
Байқау шарттары Байқау жарияланған күннен бастап күшіне енеді.
Назар аударыңыз! Байқауды ұйымдастырушылар барлық талаптың орындалғанын тексереді.
6. Жеңімпаздарды марапаттау:
- Байқау нәтижелері BilimCenter платформасы мен BilimLand экожүйесінің ресми парақшаларында жарияланады;
- Жеңімпаздарды марапаттау онлайн форматта жүзеге асырылады;
- Жеңімпаз дипломымен білім алушы, сонымен қатар оның оқитын білім беру ұйымы марапатталады.
7. Байқаудың бас ұйымдастырушысы:
- «BilimLand» компаниясы.