Байқау туралы ереже
«BilimCenter белсенді педагогі» республикалық байқауы
Байқау мерзімі: 02.12.2021 – 25.02.2022
Бас жүлде: 500 000 теңге
1. Байқаудың жалпы ережелері:
1.1 Атауы:«BilimCenter белсенді педагогі» республикалық әлеуметтік-білім беру байқауы (бұдан әрі – Байқау).
1.2 Байқау Қазақстан Республикасының барлық аумағында өткізіледі
2. Байқаудың мақсаты:
2.1 BilimCenter цифрлық білім беру порталында педагогтердің жұмыс белсенділігін арттыру.
3. Байқауға қатысушылар:
3.1 Байқауға https://bilimcenter.kz/ платформасын дәстүрлі және қашықтан оқыту форматында электрондық оқу құралы ретінде пайдаланатын Қазақстан Республикасы орта білім беру ұйымдарының педагог мамандары қатыса алады.
3.2 Байқауға қатысу ТЕГІН;
3.3 Ұйымдастырушылармен ортақ үлесі бар тұлғалар Байқауға қатыса алмайды.
4. Байқауды өткізу форматы мен тәртібі:
"BilimCenter белсенді педагогі” номинациясы бойынша іріктеу критерийлері:
4.1. курс мазмұнын игеру көрсеткіші (75%-тен жоғары)
4.2. курс мазмұнын игеруге жұмсалған уақыт (ұсынылған уақыт – 30 күн)
4.3. онлайн-тестілеуге қатысу (тек бір мүмкіндік нәтижесі бойынша)
4.4. онлайн-тест нәтижесі (бағыт бойынша)*
*Бірнеше қатысушы бірдей балл жинаған жағдайда, тест тапсыруға жұмсаған уақыты есепке алынады.
5. Байқау шарттары:
- функционалды сауаттылық бағыты бойынша курстан өту;
- онлайн тест тапсыру.
Байқау шарттары Байқау жарияланған күннен бастап күшіне енеді.
Назар аударыңыз! Байқауды ұйымдастырушылар барлық талаптың орындалғанын тексереді.
6. Жеңімпаздарды марапаттау:
- Байқау нәтижелері BilimCenter платформасы мен BilimLand экожүйесінің ресми парақшаларында жарияланады.
- Жеңімпазды марапаттау және диплом мен 500 000 теңге көлеміндегі ақшалай сыйлықты табыстау онлайн форматта жүзеге асырылады.
- Жеңімпаз дипломымен педагог, сонымен қатар оның қызмет атқаратын білім беру ұйымы марапатталады.
7. Байқаудың бас ұйымдастырушысы:
- «BilimLand» компаниясы.