Красноярск қаласындағы XXIX Әлемдік қысқы Универсиада жалғасып жатыр.
Спорт сайысында Қазақ туризм және спорт академиясының студенті Асет Дүйсенов шаңғы бойынша жүлделі екінші орынды иеленсе, Әл-Фараби атындағы Қазақ Ұлттық Университетінің студенті Жанбота Алдабергенова фристайл бойынша 3-орында тұрақтады. Ал, ел құрамасы шорт-трек бойынша 3-орынды иеленіп, қола жүлдегер атанды.
Естеріңізге сала кетейік, XXIX Әлемдік қысқы Универсиада ағымдағы жылғы 2 наурызда басталған болатын. Бүгінгі таңда құрама команда құрамындағы 95 спортшы ел намысын қорғауда. Сайысқа еліміздің жоғары оқу орындарының 17-25 жас аралығындағы студенттері мен академиялық дәрежесі бар түлектері қатысуда. Жалпы қысқы универсиадада 50 елден келген 3 050 жуық спортшы өз бақтарын сынауда.
Дереккөз: edu.gov.kz